Chegou a hora de despedirnos ata setembro. Foi un curso intenso, cheo de experiencias e aprendizaxes.
Agora toca desfrutar dun merecido descanso, o cal fará que comecedes 6º curso con forza e ganas.
Recordade que, aínda que non vos mande deberes, podedes repasar un montón de contidos simplemente co día a día. Aquí vos deixo algúns exemplos de como podedes facelo:
- Se vades a praia, non esquezades levar algún xogo para desfrutar coa familia. Valen dende as tradicionais cartas españolas, pasando polo "Uno" ou calquera xogo que vos guste.
- Se vades de vacacións interesádevos por coñecer o lugar ao que vades. Lede sobre el, mirade a que distancia está, calculade presupostos, valorade opcións...
- Sede vós quen pague cando compredes xeados ou calquera outro produto, comprobade as voltas, facede estimacións de canto vades a gastar...
- LER. Lede o que vos guste: cómics, chistes, poemas, revistas... O que queirades! Todo serve para seguir aprendendo. Aproveito para dicirvos que o libro de Escarlatina que lemos este curso ten unha segunda parte e que se queredes saber máis da vida da protagonista este libro pode resolver moitas dúbidas!!
- Queredes aprender a escribir no teclado con rapidez? Aquí tedes uns xogos moi interesantes e divertidos:
