Estudamos o planeta Terra

Vivimos nun planeta que está cheo de fenómenos extraordinarios que acontecen en todo momento sen prácticamente darnos conta. Por isto, é preciso que o coñezamos para poder apreciar as marabillas que temos ao noso arredor.

No noso planeta atopamos distintas partes. Aquí podemos observalas a través dun vídeo:

Na Terra atopamos distintas rochas e minerais que os seres humanos utilizamos para diversos fins:

A medida que investigamos sobre o noso planeta foron xurdindo na clase algunhas cuestións que son moi interesantes e das que podemos aprender moito. Aquí temos algunhas delas!

  - Como xorden os volcáns? Onde atopamos algún en España?

Sabíades que no 2011 produciuse a última erupción nas Illas Canarias? Concretamente en El Hierro.

 - Como xurdiron os continentes do planeta? Que son as placas tectónicas?

Fixástesvos que na película de Ice Age 4 faise referencia á formación dos planetas? Quizais agora podedes mirala doutra maneira!

Recordades que vos falei do que aconteceu en Pompeya? A erupción do Vesubio pillou por sorpresa aos seus habitantes o que desembocou nunha catástrofe!

Que vos parece se agora repasamos con algúns xogos?

A XEOSFERA

A ATMOSFERA

ESCOLLE AS VERDADEIRAS

PARTES DUN VOLCÁN

COÑECEMOS OS VOLCÁNS DE CANARIAS

Non deixedes de investigar sobre os segredos que agocha o noso planeta!

Empezando o curso con enerxía!

Acabamos de comezar un novo curso no que vamos a compartir miles de experiencias, momentos e coñecementos durante 9 meses.

O primeiro que vamos a facer vai a ser organizar a clase e o tempo que vamos a pasar nela.

Temos o noso horario!

A piques de estrenar o lectómetro!

Tamén chegou a hora de repasar algúns contidos que o longo verán fixo que esquecéramos ou que deixáramos algo agochados nun caixón da nosa mente.
Aquí tedes uns xogos que nos poderán axudar a recordar algúns aspectos matemáticos:

REPASAMOS AS TÁBOAS

ATRAPA O SUBMARINO!

CARREIRA DE MULTIPLICACIÓNS

TÁBOAS VELOCES

DOMINÓ MATEMÁTICO

Os poemas son música e a música é poesía, polo que vamos a tratar distintos poemas musicados que nos servirán para aprender de xeito ameno e divertido. 

O primeiro será "Maio longo" de Rosalía de Castro:

Maio longo, maio longo,
todo cuberto de rosas,
para algúns telas de morte;

para outros telas de vodas.

Maio longo, maio longo,
fuches curto para min:
veu contigo a miña dicha,
volveu contigo a fuxir.

Aquí temos outro poema de Rosalía musicado cuns ritmos totalmente diferentes: "Adiós ríos. adiós fontes".

Comezamos o novo curso!

Así rematamos o curso!!

Rematamos o 1º curso con moitos coñecementos, experiencias e recordos que nos acompañarán ao longo da nosa vida.
O día 21 celebramos a festa de fin de curso no auditorio de Vilagarcía. Onde os nenos de 1º bailamos natación sincronizada e rock and roll... e que somos uns profesionais!!

O último día disfrutámolo todos xuntos indo ao Castriño. Portámonos moi ben!

E por último despedímonos do curso desexándolle a todo o cole un bo verán!

Así chegamos ao final, con sorrisos e felicidade!

Soamente me queda despedirme de todos vos. Este foi un curso moi especial e non vos vou a esquecer nunca. Levades todos un anaquiño do meu corazón. Seguide sendo uns nenos tan bos e especiais!

Profe Noelia

Chegou a recta final!!

Estamos a piques de rematar o 1º curso da Educación Primaria, e todo este tempo estivo cheo de emocións, momentos e coñecementos que marcaron a nosa vida.
Pero aínda non rematou todo! Porque que sexa o último mes de clase, non quere dicir que sexa menos intenso... Ao contrario!!
Neste momento estamos traballando aspectos sobre o Universo e o planeta Terra.

Tamén estamos preparándonos para a nosa actuación de fin de curso. A canción escollida é a de "Oh, que calor!" do Xabarín club... pero permanecede atentos... temos agochada algunha que outra sorpresa!

O día 2 de xuño fixemos unha saída a Campo Lameiro para aprender sobre as persoas prehistóricas.

Seguiremos informando!

Con forza cara o final de curso!

Comezamos o 3º trimestre e con el o empuxón final cara o fin de curso.
Seguimos traballando con forza para seguir aprendendo e non paramos de realizar actividades e vivir novas experiencias.
Unha das moitas vivencias que disfrutamos neste curso, foi a realización do Proxecto =DADE, na que todo o cole analizamos a existencia de micromachismos na escola.
Aquí tedes o resultado final dese proxecto.

Ademáis, estamos traballando distintos contos para tratar a igualdade, a tolerancia e o respecto polas diferenzas.

GATO VERMELLO GATO AZUL

Estes días estivemos traballando moi duro. Entre outras moitas cousas, fixemos as nosas primeiras representacións gráficas! Para iso traballamos en equipo compartindo experiencias e ideas e utilizamos para elaboralas o noso bosque xeométrico. Aquí están as fotos do proceso.

Estamos aprendendo moito sobre a importancia da reciclaxe. Por iso, utilizando a aprendizaxe cooperativa, elaboramos un mural para que non se nos esqueza onde temos que meter o lixo.

Seguiremos informando!

Chegan as flores a marzo

Chegou o mes de marzo e nos non deixamos de aprender e traballar.
O día 8 deste mes celebramos o Día da Muller no cole. Para conmemoralo fixemos unha pequena actividade: escribimos cada neno da clase un adxectivo bo que podemos ter as persoas, e o pegamos no mural da entrada do cole, que se converteu nun photocall para os nenos/as, as familias e o profesorado.

Sigamos loitando pola igualdade de dereitos e o respecto cara todas as persoas!